കലാമണ്ഡലം സത്യഭാമയ്ക്കൊപ്പം യൂട്യൂബ് ചാനലിനെതിരെയും അഭിമുഖം നടത്തിയ ആള്ക്കെതിരെയും നിയമനടപടി സ്വീകരിക്കും ; ആര്എല്വി രാമകൃഷ്ണന്
കലാമണ്ഡലം സത്യഭാമയ്ക്കൊപ്പം യൂട്യൂബ് ചാനലിനെതിരെയും അഭിമുഖം നടത്തിയ ആള്ക്കെതിരെയും നിയമനടപടി സ്വീകരിക്കുമെന്ന് ആര്എല്വി രാമകൃഷ്ണന്. പരാതി നല്കുന്നത് സംബന്ധിച്ച് വിദഗ്ധരോട് നിയമോപദേശം തേടിയിട്ടുണ്ട്. കലാരംഗത്ത് പുതുതായി ആളുകള്ക്ക് കടന്നു വരാന് കഴിയാത്ത സാഹചര്യമാണ് ഉള്ളതെന്നും രാമകൃഷ്ണന് പറഞ്ഞു.
അധിക്ഷേപത്തെ നിയമപരമായി നേരിടാനാണ് തീരുമാനം. ബാക്കിപത്രമായി ഇനിയും വിവേചനം അവശേഷിക്കരുത്. കറുത്തവര് മോഹിനിയാട്ടം ചെയ്യരുതെന്ന ചിന്താഗതിക്കെതിരെയാണ് പോരാട്ടം. തനിക്കെതിരെ കലാമേഖലയില് ഒരു ലോബി പ്രവര്ത്തിക്കുന്നുണ്ട്. നിരന്തര വിവാദങ്ങള്ക്ക് പിന്നില് അത്തരം ലോബികളാണെന്നും രാമകൃഷ്ണന് പറഞ്ഞു.